naon bedana tembang jeung kawih?

Tembang jeung kawih sarua dua rupa lalagun Sunda. Aya sawatara lalaguan Sunda, nyaeta saperti tembang, kawih jeung kakawihan. Umpama ditilik tina rumpakana, tembang, kawih jeung kakawihan oge kaasup kana karya sastra Sunda dina wangun ugeran atawa puisi. Tembang nyaeta wangun puisi anu kaiket ku aturan, nyaeta aturan pupuh. Sedengkeun kawih jeung kakawihan nyaeta wangun puisi anu henteu pati kaiket ku aturan.

Aturan anu aya dina pupuh sok disebut guru lagu jeung guru wilangan. Jadi tembang nyaeta puisi anu rumpakana kaiket ku guru lagu jeung guru wilangan. Sedengkeun kawih nyaeta puisi anu rumpakana henteu kaiket ku guru lagu jeung guru wilangan.